Misha Ge Yaponiyada figurali uchish bo‘yicha jahon chempionatida qatnashadi.
720P

Misha Ge Yaponiyada figurali uchish bo‘yicha jahon chempionatida qatnashadi.




2014-yilning 26—30-mart kunlari Yaponiyaning Saytama shahrida figurali uchish bo‘yicha jahon chempionati bahslari o‘tkaziladi. Dunyoning yetakchi sportchilari ishtirokida o‘tadigan musobaqada o‘zbekistonlik Misha Ge ham qatnashadi. Bu haqda O‘zbekiston Milliy Olimpiya qo‘mitasi matbuot xizmati xabar berdi.

Bugun, 26-mart kuni erkaklar o‘rtasida qisqa dastur bo‘yicha o‘tkaziladigan musobaqalarda (Toshkent vaqti bilan soat 11:45 da boshlanishi rejalashtirilgan) Misha Ge ham o‘z chiqishini namoyish etadi. Mazkur musobaqada 32 nafar sportchi g‘oliblik uchun kurash olib boradi.

Shuningdek, Misha Ge 28-mart kuni (Toshkent vaqti bilan 13:00 da boshlanishi rejalashtirilgan) erkin dastur bo‘yicha musobaqalarda qatnashadi. Ushbu musobaqada jami 60 nafar sportchi ishtirok etadi.

Eslatib o‘tamiz, 2014-yili Rossiyaning Sochi shahrida o‘tkazilgan XXII qishki Olimpiya o‘yinlarida qatnashgan Misha Ge yakunda 17-o‘rinni egallagan edi.



Комментарии 0