Apple o‘zining iWatch “aqlli” soatlarini shu yilning uchinchi choragida chiqaradi
720P

Apple o‘zining iWatch “aqlli” soatlarini shu yilning uchinchi choragida chiqaradi

Apple kompaniyasining uzoq kutilgan "aqlli” soati – iWatch 2014-yilning uchinchi choragida savdoga chiqariladi. Kompaniya yangi gadjetining muvaffaqiyatiga shubha ham qilmaydi, deb yozadi DigiTimes nashri.

Foto: hi-tech.mail.ru

Foto: hi-tech.mail.ru

Manbalarning ta’kidlashicha, iWatch’ni ishlab chiqarish ishlari bilan Quanta Computer shug‘ullanadi, ular uchun sensor displeylarni esa TPK xoldingi yasab beradi. Soat uchun protsessor Apple injenerlari tomonidan yaratiladi, ammo uning ishlab chiqarilishi asosiy raqobatchi – Samsung’ga topshiriladi.

Apple’ning hisob-kitobi bo‘yicha, iWatch qismlari avgustdayoq yetkazib beriladi va yilning uchinchi choragidayoq ular yig‘ilib, bozorga chiqariladi. Yangi mahsuloti xaridorgir bo‘lishiga Amerika hi-tech gigantining ishonchi komil: u shu yilning o‘zida bozorga 65 million dona iWatch yetkazib berishni rejalashtirgan.

Shu bilan birga, iWatch kuzga ham qolmasdan, yozning boshidayoq – WWDC 2014 anjumanida namoyish etiladi. Zero, uning uchun dasturiy ta’minot ishlab chiqaruvchilar yangi formatga tayyorgarlik ko‘rishlari darkor. Ayrim norasmiy ma’lumotlarga ko‘ra, aqlli soatning displeyi 600×600 pikselli bo‘ladi.

Hozircha ma’lum bo‘lgani shuki, qurilmaning ekrani kvadrat shaklida, dizayni esa iPod nano’ga o‘xshash bo‘ladi. iWatch displeyi yangicha turda bo‘lib, atrof qorong‘ilasha borgani sari uning rangi ham shunga moslasha boradi.

iWatch 2014-yilning kuzida taqdim etilishi haqida o‘tgan yilning oxirlaridayoq xabarlar tarqalgan edi.

Manba:Daryo
Комментарии 0