Nokia avtomobillar uchun mo‘ljallangan mobil texnologiyalarga 100 mln dollar investitsiya kiritadi
720P

Nokia avtomobillar uchun mo‘ljallangan mobil texnologiyalarga 100 mln dollar investitsiya kiritadi

Mobil bo‘linmalarini Microsoft kompaniyasiga sotib yuborgan Finlyandiyaning Nokia kompaniyasi jamg‘arma tashkil etadi. Jamg‘arma orqali avtomobillarga mo‘ljallangan mobil texnologiyalar va dastur ta’minotlari uchun investitsiya kiritiladi. Bu haqda "ITAR-TASS"  xabar berdi.

                                    
Nokia avtomobillar uchun mo‘ljallangan mobil texnologiyalarga 100 mln dollar investitsiya kiritadi

Nokia jamg‘armaga 100 million dollar miqdorida mablag‘ kiritadi. Jamg‘armani Nokia Growth Partners (NGP) kompaniyasi boshqaradi. Bu so‘nggi 10 yillikda Nokia uchun tashkil qilingan NGP kompaniyasining to‘rtinchi jamg‘armasi bo‘ladi. Yangi jamg‘arma tashkil qilinishi munosabati bilan Nokia NGP kompaniyasi boshqaruviga 700 million dollar miqdoridagi mablag‘ni o‘tkazdi.

Nokia HERE kompaniyasining xarita xizmati orqali avtomobillarga mo‘ljallangan mobil texnologiyalar bozorida taqdim etildi.

"NGP kompaniyasi HERE navigatsion servisidagi mahsulot va xizmatlar bazasini rivojlantirishga qaratilgan loyihalarni moliyalashtirib borish maqsadida HERE bilan hamkorlikda ishlaydi”, — deyiladi Nokia bergan xabarda.

"Avtomobillar xuddi telefon va planshetlarga o‘xshash mobil texnologiyalar joriy etiladigan yangi platformaga aylanib bormoqda”, — deydi NGP hamkori Pol Asel.

Avtomobillarga mo‘ljallangan mobil texnologiyalarni rivojlantirish bilan Apple kompaniyasi ham shug‘ullanmoqda. 2014-yilning martida Apple korporatsiyasi multimediya va kommunikatsiya imkoniyatlarini ta’minlovchi CarPlay servisini taqdim qildi. CarPlay bilan ta’minlangan birinchi avtomobillar joriy yilning o‘zidayoq savdoga chiqishi mumkin.

Manba:Daryo.

Комментарии 1