Google qidiruv tizimidan eskirgan va ishonchsiz shaxsiy ma’lumotlar o‘chiriladi.
720P

Google qidiruv tizimidan eskirgan va ishonchsiz shaxsiy ma’lumotlar o‘chiriladi.





Google kompaniyasi shaxsiy ma’lumotlar himoyasi haqidagi Yevropa qonunlariga rioya qilishi va o‘zining qidiruv tizimiga o‘zgartish kiritishi kerak. Bunday hukmni shaxsiy hayot daxlsizligi huquqini himoya qilib, Yevropa ittifoqi sudi chiqardi, deya xabar berdi "ITAR-TASS”.

Qarorga ko‘ra, manfaatdor shaxslar kompaniyaga murojaat qilib, eskirgan, ularga bevosita bog‘liq bo‘lmagan axborotlarni o‘chirishni so‘rashi mumkin.

Avvalroq Google vakillari internetda qidiruv tizimini nazorat qila olmasligini va "erkin qo‘lga kiritish mumkin bo‘lgan shaxsiy ma’lumotlar” uchun javobgarlikni bo‘yniga olmasligini bildirgan edi. "So‘rov bo‘yicha chiqqan ma’lumotlar uchun u joylashtirilgan sayt egasi mas’uldir, kompaniya esa shunchaki linkni taqdim etadi”, — dedi Google.

YeI sudi qarori Ispaniya fuqarosi da’vosi bo‘yicha chiqarildi. Ma’lum bo‘lishicha, u Google qidiruv tizimida o‘z ismi bo‘yicha so‘rov berganida, o‘zining 1998-yildagi uy sotuvi to‘g‘risidagi e’loni chiqib kelgan. Ispaniyada bunday turda jami 180 ta da’vo bilan murojaat qilingan.


Manba:Daryo.
Комментарии 0