Mirjalol Qosimov: “Muxlislar kutgan o‘yinni namoyish qila olmadik” » Daxshat.Tv- Biz bilan barchasi daxshat ! I Tas-ix
Mirjalol Qosimov: “Muxlislar kutgan o‘yinni namoyish qila olmadik”
720P

Mirjalol Qosimov: “Muxlislar kutgan o‘yinni namoyish qila olmadik”

O‘zbekiston—Ummon o‘rtasidagi ikkinchi o‘rtoqlik o‘yinidan so‘ng o‘tkazilgan matbuot anjumanida O‘zbekiston milliy terma jamoasi bosh murabbiyi Mirjalol Qosimov ishtirok etib, o‘yin haqida o‘z fikrlarini bildirdi, deb yozadiUff.uz.

Mirjalol Qosimov. Foto: fcbunyodkor.com

Mirjalol Qosimov. Foto: fcbunyodkor.com

"Muxlislarga bayram ulashmoqchi edik. Ammo mag‘lubiyatga uchradik. Muxlislar kutgan o‘yinni namoyish qila olmadik. Albatta, bu natijadan qoniqish hosil qilmadim”, — deydi murabbiy.

Birinchi bo‘limda yaxshi o‘yin ko‘rsata olmadik. Futbolchilar bir-birlarini yaxshi tushunmadi. Ikkinchi taymda maydonga yoshlarni tushirdik. Ular o‘yinni biroz kuchaytira oldi. Bitta narsani aytib o‘tish kerak.

Hozir Osiyodagi barcha jamoalar kuchaymoqda. Avvalgidek kuchsiz terma jamoalarning o‘zi yo‘q. Albatta, hali Osiyo chempionatigacha yetarlicha vaqt bor. Ungacha mana shunday o‘yinlarda yosh futbolchilarni sinab, ular nimalarga qodir ekanliklarini ko‘rib olamiz.

Avval xabar berilganidek, Ummonga qarshi ikkinchi o‘yin Shatskix, Baqoyev va Karpenko uchun xayrlashuv o‘yini bo‘ldi. Anjumanda xayrlashuv uchrashuvini tashkil qilish fikri kimdan chiqqani haqidagi savolga Mirjalol Qosimov shunday javob bergan: "Bugun uch nafar futbolchimiz terma jamoa bilan xayrlashdi. Bu taklifni biz ularga bildirgan edik. Futbolchilarning o‘zi ham buni xohlashdi. Ular o‘z vaqtida terma jamoaga ko‘p yordam bergan. Ko‘p mehnatlari singgan. Mag‘lubiyatga uchragan bo‘lsak ham, ketayotgan o‘yinchilarga o‘ziga xos o‘yin, o‘ziga xos kichkina bayram tashkil qilib berdik, deb o‘ylayman”.

Jurnalistlar o‘yinga Server Jeparov, Timur Kapadze, Aleksandr Geynrix, Aziz Haydarov kabi terma jamoa yetakchilari chaqirilmaganining sababini so‘raganda murabbiy: "Asosiy maqsad yoshlarni sinovdan o‘tkazish edi. Bu futbolchilar hali terma jamoa uchun ko‘p yordam beradi, deb o‘ylayman. Ular terma jamoadagi faoliyatlarini davom ettiradi”, — deya javob qaytargan.

Eslatib o‘tamiz, O‘zbekiston—Ummon o‘rtasidagi "Jar” stadionida o‘tkazilgan ikkinchi uchrashuvda ham 1:0 hisobida mehmonlar g‘alaba qozondi.

Manba:Daryo

Комментарии 1