Google JCh—2014 stadionlarini ichidan tomosha qilish imkoniyatini taqdim etdi » Daxshat.Tv- Biz bilan barchasi daxshat ! I Tas-ix
Google JCh—2014 stadionlarini ichidan tomosha qilish imkoniyatini taqdim etdi
720P

Google JCh—2014 stadionlarini ichidan tomosha qilish imkoniyatini taqdim etdi

Google kompaniyasi o‘zining Street View servisiga futbol bo‘yicha 2014-yilgi jahon chempionati uchrashuvlarini qabul qiluvchi Braziliyadagi 12 stadionning panorama-suratlarini joylashtirdi. Bu haqda Google’ning rasmiy blogida ma’lumot berilgan, deb xabar qildi "Kun”.

http://s.daryo.uz/wp-content/uploads/2014/06/maracana-886x495.jpg

Jahon chempionatiga borishni maqsad qilgan yoki musobaqa o‘yinlarini televizor orqali tomosha qiladigan muxlislar hozirning o‘zidayoq futbol uchrashuvlarini qabul qiluvchi Braziliyadagi 12 ta stadion bilan yaqindan tanishishlari mumkin.

Bundan tashqari, Street View’da jahon chempionati sharafiga graffiti va bayroqlar bilan maxsus bezatilgan ko‘chalarning ham panoramali suratlarini tomosha qilish mumkin.

Google vakillarining so‘zlariga ko‘ra, muhim futbol musobaqalari arafasida ko‘chalarni bezash, ularni bo‘yab chiqish Braziliyadagi milliy an’analardan biridir.

http://s.daryo.uz/wp-content/uploads/2014/06/streets-886x493.jpg

Bundan tashqari, Google JCh—2014 o‘yinlarini qabul qiladigan 12 shaharda mobil telefonlar yordamida harakat yo‘nalishini tashkil qilish imkoniyatini taqdim etgan.

Shuningdek, yuzlab tashkilotlar: aeroportlar, savdo markazlari va yana o‘sha stadionlarning – binolarning ichki xaritalari ham Google foydalanuvchilari uchun ochiq joylashtirilgan.

Futbol bo‘yicha 2014-yilgi jahon chempionati bahslari 12-iyun — 13-iyul kunlari Braziliyaning 12 shahrida bo‘lib o‘tadi.



Manba;Daryo

Комментарии 0