Suv jo‘mragidan oqqan oltin AQSh aholisini xursand qilmadi.
720P

Suv jo‘mragidan oqqan oltin AQSh aholisini xursand qilmadi.




AQShning Montana shtati Uaytxoll shahri aholisini krandan oqqan suvda paydo bo‘lgan oltin parchalari qo‘rqitdi va ularning g‘azablanishiga sabab bo‘ldi. Bu haqda Metro xabar berdi. "Oltin suv” kelgan uylar egalari yaqin orada joylashgan konni suvni ifloslashda aybladi va shahar suv ta’minoti filtrlari ta’mirtalab bo‘lib qolgan, degan xulosaga keldi.

Shahar fuqarolaridan biri Mark Braun so‘zlariga ko‘ra, rafiqasi idish-tovoq yuvayotgan paytida suvdan yaltiroq zarrachalar oqib tushgan. Braun suvda sog‘liq uchun yanada zararli boshqa aralashmalar bo‘lishi mumkin, deb hisoblaydi.

"Oltindan jabrlangan” boshqa fuqarolar ham xuddi shunday fikrda. Ular mahalliy hukumatga rasmiy shikoyat bilan murojaat qilganmi, yo‘qmi noma’lum.

O‘z navbatida suvni ifloslashda ayblanayotgan kon rahbariyati javobgarlikni bo‘yniga olmadi va oltinning "yaqin oradagi boshqa birorta quvurdan” paydo bo‘lganini taxmin qildi.

Oltin inson sog‘lig‘i uchun zararli metall hisoblanmasa-da, yutib yuborilgan qattiq bo‘laklar ichki organlarga ziyon yetkazishi mumkin.

Manba:Daryo

Комментарии 0