Obama AQShda qurol-yarog‘ni cheklash qo‘lidan kelmasligini tan oldi
720P

Obama AQShda qurol-yarog‘ni cheklash qo‘lidan kelmasligini tan oldi

AQSh prezidenti Barak Obama o‘q quroli aylanmasini cheklash bo‘yicha Vashington hech qanday chora ko‘ra olmayotganidan hafsalasi pir bo‘lganini bildirdi. Bu haqda Reuters xabar berdi.

http://s.daryo.uz/wp-content/uploads/2014/06/obama-sorry-healthcare.jpg

Prezident so‘zlariga ko‘ra, Amerika aholisi uchun mamlakatda ro‘y berayotgan zo‘ravonliklar odatiy holga aylangan. Seshanba kuni Oregon shtatida ro‘y bergan va o‘rta maktab o‘quvchisining halokatiga sabab bo‘lgan baxtsiz hodisaga izoh berar ekan, Obama:"Dunyoda boshqa bunday joy yo‘q”, — dedi.

Obama AQSh kongressida qurol-yarog‘ lobbisi ustunlik qilayotganini, ayni paytda bu boradagi kichik cheklovni ham parlament orqali kiritib bo‘lmaslikni afsus bilan ta’kidladi. "Buning uchun barchamiz uyalishimiz kerak”, — dedi u.

2013-yil boshida Obama kongressni qurol-yarog‘ga egalik qilishga cheklov kiritishga ko‘ndirmoqchi bo‘lgan, biroq Milliy o‘qchilik assotsiatsiyasi lobbisi tomonidan ko‘rsatilgan bosim natijasida urinish puchga chiqqan edi.

AQSh o‘quv muassasalarida quroldan o‘q otish bilan bog‘liq hodisalar tez-tez ro‘y beradi. So‘nggi paytlardagi eng fojiaviy voqea 2012-yilda sodir bo‘lgan, o‘shanda 20 yoshli yigit "Sendi Xuk” maktabida 26 kishini otib tashlagan edi.



Manba;Daryo


Комментарии 0