Barak Obama AQSh terma jamoasini Twitter’da qo‘llab-quvvatladi
720P

Barak Obama AQSh terma jamoasini Twitter’da qo‘llab-quvvatladi

AQSh Prezidenti Barak Obama Braziliyada bo‘lib o‘tayotgan futbol bo‘yicha jahon chempionatida ishtirok etayotgan AQSh milliy terma jamoasini qo‘llab-quvvatlab, o‘z Twitter’iga vatanparvarlik ruhidagi so‘zlar va rasmni joylashtirdi.

http://s.daryo.uz/wp-content/uploads/2014/06/BqSFuxaCIAANu0g-886x443.png

"Maydonda 11 kishi, yana 300 million kishi  ular uchun qayg‘urmoqda”, — deb yozadi Obama. Shuningdek, prezidentning sahifasida AQSh bayrog‘ining surati  va "Bir millat. Bir jamoa” degan so‘zlar joylashtirilgan.

AQSh futbolchilari 17-iyun kuni mundialni Gana  terma jamoasi ustidan g‘alaba bilan boshladi. AQSh terma jamoasi Ganani 2:1 hisobida Klint Dempsi va Jon Brukslarning gollari evaziga dog‘da qoldirdilar. Afrikaliklardan esa, Andre Ayyu o‘z goli bilan ajralib turdi.

Keyingi uchrashuvni AQSh terma jamoasi 22-iyunda Portugaliyaga qarshi o‘tkazadi. So‘nggi guruh bahsida esa, amerikaliklar "nemis mashinasi" bilan kuch sinashadilar. Hozirda AQSh jamoasi "G” guruhida Germaniyadan so‘ng ikkinchi o‘rinni egallab kelmoqda



Manba;Daryo

Комментарии 0