Amazon 3D-tasvirlarni ko‘zoynaksiz ko‘rish imkonini beruvchi yangi smartfonini taqdim etdi » Daxshat.Tv- Biz bilan barchasi daxshat ! I Tas-ix
Amazon 3D-tasvirlarni ko‘zoynaksiz ko‘rish imkonini beruvchi yangi smartfonini taqdim etdi
720P

Amazon 3D-tasvirlarni ko‘zoynaksiz ko‘rish imkonini beruvchi yangi smartfonini taqdim etdi

Amerika internet-riteyleri — Amazon o‘zining Fire Phone deb nomlangan smartfonini rasman taqdim etdi. Kompaniya asoschisi Jeff Bezos yangi qurilma taqdimotini o‘tkazdi. Bu haqda Mobinfo.uz xabar berdi.

http://s.daryo.uz/wp-content/uploads/2014/06/amazon-fire-phone-2.jpg

Yangi smartfon 4,7 dyuymli 1280×720 pikselli ekran, 4 yadroli Qualcomm Snapdragon 800 protsessori, 2 Gb tezkor va 32/64 Gb ichki xotiraga ega. Telefon akkumulyatori sig‘imi 2400 mA/s ga teng, bu 11 soat davomida video ko‘rish imkonini beradi.

Fire Phone Fire OS 3.5 — Android’ning modifikatsiyalangan foydalanuvchi interfeysida ishlaydi. Smartfon korpusi kuchaytirilgan rom bilan jihozlangan, qurilmadagi tugmalar alyuminiydan qilingan.

Yangi smartfon biryo‘la 6 ta kameraga ega. 13 megapikselli asosiy — orqa va old kamera odatiydir. Qolgan 4 ta modul esa old panel burchaklarida joylashgan bo‘lib, 3D-effekt yaratishda qo‘llaniladi. Ushbu past kuchlanishli infraqizil kameralar foydalanuvchi yuzi (ko‘zi)ning ekranga nisbatan joylashuvini kuzatadi va unga 3D-obyektlarni maxsus ko‘zoynaksiz ko‘rish imkonini beradi.

Nafaqat telefon ekranidagi fon va ikonkalar, balki Amazon internet-do‘konidagi mahsulotlar ham 3D shaklda aks etadi.

Smartfon narxiga kelsak, qurilma AQShda AT&T operatori bilan ikki yillik shartnoma tuzilgan taqdirda 200 dollarga sotiladi. Alohida xarid qilganda 650 dollarga tushadi. Fire Phone 25-iyuldan sotila boshlaydi.



Manba:Daryo


Комментарии 0