Mishel Obama AQShdagi eng didli ayol deb e’tirof etildi
720P

Mishel Obama AQShdagi eng didli ayol deb e’tirof etildi

AQSh prezidentining rafiqasi Mishel Obama Harper’s Bazaar jurnali versiyasi bo‘yicha mamlakatning eng did bilan kiyinadigan ayollari reytingida birinchi o‘rinni egalladi.

hbz-the-list-american-beauty-michelle-obama-sm

Foto: Getty Images

Top-listga 11 nafar aktrisa, qo‘shiqchi va modellar kiritildi. Ular orasida Madonna eng so‘nggi pog‘onada joylashdi.

Reyting o‘nta punktdan iborat bo‘lsa-da, unga 11 ayol kirdi. Gap shundaki, ikkinchi o‘rinni egizak opa-singillar Meri-Keyt va Eshli Olsen bo‘lib olishdi.

Ro‘yxat tuzishda hech qanday metodologiydan foydalanilmadi. Bunda jurnal tahririyatining shaxsiy fikrlari mezon qilib olindi. Biroq mualliflar ushbu ayollar aynan qanday sabablarga ko‘ra reytingga kiritilganiga izoh berib o‘tishdi.

Masalan, ularning fikricha, Mishel Obama xalqqa yaqin, sodda va ommabop kiyim markalariga muxlislik qiladi. Ular AQShning birinchi xonimiga yarashib turadi.

Madonna esa tantanali marosimlarda o‘z liboslari bilan hayratlantira olish qobiliyati uchun ro‘yxatdan o‘rin oldi.

To‘liq ro‘yxat esa quyidagicha:

  1. Mishel Obama
  2. Meri-Keyt va Eshli Olsen
  3. Keyt Bosuort
  4. Emma Stoun
  5. Dri Xeminguey
  6. Sara Jessika Parker
  7. Gvinet Peltrou
  8. Erin Uosson
  9. Solanj Noulz
  10. Madonna
Manba:Daryo
Комментарии 0