Samsung kompaniyasi daromadi 16 foizga pasaydi
720P

Samsung kompaniyasi daromadi 16 foizga pasaydi

Samsung Electronics’ning moliyaviy direktori Li Seng Xun 2014-yilning ikkinchi choragida kompaniyaning moliyaviy yakunlari uncha yaxshi emasligini ta’kidladi. Avvalroq kompaniya ikkinchi kvartal so‘ngida 8,2 milliard dollar foyda ko‘rishni rejalashtirgan edi, deya xabar beradi Mail.Ru.

http://s.daryo.uz/wp-content/uploads/2014/06/34c6f4b881986134165308dfc694.jpg

KTB Investment & Securities mutaxassislarining ta’kidlashicha, o‘tgan yilning ikkinchi choragiga nisbatan joriy yilning ikkinchi choragida kompaniya daromadi 16 foizga qisqargan. Bu muammo esa smartfonlar sotuvi kamaygani bilan izohlanmoqda.

Kompaniya 2014-yilning ikkinchi choragida 88 million dona qurilma sotishni rejalashtirgan, lekin bu ko‘rsatkich ancha past – 77 millionni tashkil etgan. Ayrim mutaxassislar Samsung kompaniyasining mavjud ko‘rsatkichlari yomonlashishiga Galaxy S5 smartfoniga bo‘lgan talabning sustligi sabab bo‘lgan, deya tahmin qilishmoqda.



Комментарии 0