ASUS kompaniyasi arzon va eng ingichka aqlli soatni ishlab chiqaradi
720P

ASUS kompaniyasi arzon va eng ingichka aqlli soatni ishlab chiqaradi

Tayvan kompaniyasi bo‘lmish ASUS yil oxirigacha o‘zining ilk aqlli soatini ishlab chiqarishni rejalashtirmoqda. ASUS yangi gadjet haqida hech qanday ma’lumot bermagan bo‘lsa-da, TechCrunch kompaniyadagi manbasiga tayangan holda gadjet sentabr oyida taqdim etilishi haqida xabar bergan, deya yozadi Mail.Ru.

http://s.daryo.uz/wp-content/uploads/2014/06/06f85d7ad1e7440a4795e68d3c12.jpg

5–10-sentabr kunlari Berlinda bo‘lib o‘tadigan IFA-2014 ko‘rgazmasidan ushbu gadjet ham o‘rin olishini tahmin qilish mumkin. Manbaga ko‘ra, ASUS aqlli soati AMOLED displeyga ega bo‘ladi, ammo Google I/O konferensiyasida LG va Samsung tomonidan taqdim etilgan aqlli soatlardan arzonroq bo‘lishi kutilmoqda.

ASUS o‘zining ilk aqlli soatini 99–149 dollar narxda sotishi mumkin. Kompaniya avvalroq ushbu qurilmani ishlab chiqarishi mumkin bo‘lgan-u, ammo Android Wear’ning taqdim etilishi va unga bo‘ladigan fikrlarni bilishni istagan.

TechCrunch’ning ta’kidlashicha, ASUS kompaniyasining aqlli soati bunday soatlar orasida eng ingichkasi bo‘ladi.



Manba;Daryo


Комментарии 0