8-iyulga o‘tar kechasi Tas-IX tarmog‘i ishlamay qoldi.
720P

8-iyulga o‘tar kechasi Tas-IX tarmog‘i ishlamay qoldi.




8-iyulga o‘tar kechasi soat taxminan 00:00 da Tas-IX tarmog‘i ishlamay qoldi. Bu haqda ijtimoiy tarmoqlardagi foydalanuvchilar postlari guvohlik bermoqda.

Facebook foydalanuvchilaridan biri xostingi O‘zbekistonda bo‘lgan barcha saytlar ochilmay qolganini yozgan. Xabarga qoldirilgan izohlarda boshqalar ham buni tasdiqlagan. Gov.uz, korzinka.uz, torg.uz, mover.uz va boshqa saytlar ochilmayotgani ta’kidlangan.

Ko‘p o‘tmay Facebookda Tas-IX ishlamay qolganiga bag‘ishlab memlar paydo bo‘ldi. Ulardan biriga bildirilgan fikrlarda internet ishlamay qolishiga "Nega?” deya kuylagan Umidjon Shermatov sabab bo‘lgani hazil sifatida keltirilgan. "U kecha ikkinchi videosini Mover.uz’ga joyladi. Butun dunyo bo‘ylab odamlar uni o‘sha saytdan yuklab olmoqda, shu sababli ichki tarmog‘imiz ishlamay qoldi”, — deyiladi izohda.

Taxminan 1:45 da Tas-IX ishlab ketgani Facebook foydalanuvchilari tomonidan aytilgan.

"O‘ztelekom” telekommunikatsiya operatori matbuot xizmati ushbu nosozlik bo‘yicha rasmiy izoh bermagan. Biroq uning saytiga 3- va 10-iyul kunlari Rossiya hududida avariyaviy ishlar olib borilishi munosabati bilan internet xizmatining sifati yomonlashishi ehtimoli haqida xabar joylangan. Uznetda kuzatilishi mumkin bo‘lgan nosozlik haqida hech qanday ma’lumot yo‘q.

Manba:Daryo

Комментарии 0