LG iyul oxirigacha o‘zining eng katta plansheti sotuvini boshlaydi
720P

LG iyul oxirigacha o‘zining eng katta plansheti sotuvini boshlaydi

LG kompaniyasi may oyi o‘rtalarida taqdim etgan LG G Pad 10.1 nomli eng katta plansheti sotuvini iyul oyidan boshlaydi. Bu haqda Mail.Ru xabar berdi.

Yaqin kunlarda bu planshetning qora va qizil rangdagisini AQShda harid qilish mumkin bo‘ladi. Keyin esa uning Yevropa, Osiyo va Lotin Amerikasida sotuvi boshlanadi.

Foto: Mail.Ru

Foto: Mail.Ru

LG G Pad 10.1 planshetida 10,1 dyuymli IPS-displey, 1,2 GGers chastotaga ega to‘rt yadroli Qualcomm Snapdragon protsessori, 1 Gb tezkor va MicroSD ham o‘rnatish mumkin bo‘lgan 16 Gb doimiy xotira, 1,3 old hamda 5 megapikselli orqa kameraga ega bo‘ladi. Uning akkumulyatori quvvati esa 8000 mA·soatni tashkil etadi. Shuningdek unda internetga Wi-Fi orqali ulanish imkoniyati mavjud.

Yangi planshet o‘lchamlari 260,9×165,9×8,9 mm, og‘riligi esa 523 gramm bo‘ladi. Unga Android 4.4.2 KitKat operatsion tizimi o‘rnatiladi.

Hozircha qurilmaning narxi oshkor etilmagan, lekin uning xususiyatlaridan kelib chiqqan holda aytish mumkinki, LG’ning yangi plansheti qimmat bo‘lmaydi.

Manba:Daryo

Комментарии 0