Ukrainada qulagan “Boing” rossiyaparastlar tomonidan urib tushirilgan bo‘lishi mumkin.
720P

Ukrainada qulagan “Boing” rossiyaparastlar tomonidan urib tushirilgan bo‘lishi mumkin.


Ukraina-Rossiya chegarasi yaqinida Malayziyaga tegishli "Boing-777” yo‘lovchi samolyoti quladi. Bu haqda, o‘z manbalariga asoslanib, "Interfaks” axborot agentligiga asoslanib "Kun” xabar berdi.
Ukraina hukumati mamlakat sharqidagi Donetsk viloyatining Shaxtyorsk shahri yaqinida Malayziyaga tegishli "Boing” qulaganini tasdiqladi. Bu haqda «RIA Novosti» axborot agentligi xabar bermoqda.
"Amsterdam — Kuala-Lumpur” yo‘nalishi bo‘ylab harakatlanayotgan layner Ukraina hududida halokatga uchragan. Agentlik ma’lumotlariga ko‘ra, samolyot Donetskdan 80 kilometr uzoqlikda qulagan.
"Layner hozirgi vaqtda janogvar harkatlar ketayotgan Donetsk yaqinidagi Snejnoye aholi punkti yaqinida qulagan”, – dedi "Interfaks” manbasi.
Samolyot bortida 280 nafar yo‘lovchi va ekipajning 15 nafar a’zosi bo‘lgan. Qayd etishlaricha, samolyot 10 kilometr balandlikda parvoz qilayotgan bo‘lgan.
Ukrainskaya pravda”ning qayd etishicha, samolyot urib tushirilgan. Nashrning yozishicha, avvalroq Ukraina sharqida harakat qilayotgan rossiyaparast ayirmachilar ixtiyorida yuqori balandlikda parvoz qilayotgan samolyotlarni urib tushirish imkonini beruvchi qurol paydo bo‘lgandi.
"ITAR-TASS” axborot agentligining Rossiya aviadispetcherlik doiralaridagi manbalariga asoslanib xabar berishicha, samolyot bortidagi barcha yo‘lovchilar halok bo‘lgan.

Manba:Daryo

Комментарии 0